張曦雯拍《3日2夜》照着泳衣

向來身材出眾的張曦雯，昨日以密實打扮出席活動，她笑言衣服一早揀好，與無綫「限性感令」無關︰「公司只係指引，唔係規距，係畀我哋安全感，唔想着嘅衫就唔使着，公司企喺我哋嗰邊。」她本月底將飛往澳洲拍攝《3日2夜》，到時要收起性感？她說︰「我鍾意游水、潛水，無理由唔着泳衣，唔會被公司指引影響。（穿三點式？）適當時候着適當衫。（泳衣外加Tee？）我唔會，可能會加件薄紗或者通窿衫。」有指節目將於翡翠台播放，所以減少泳衣情節，她表示由於今次行程由澳洲旅遊發展局安排，所以認為與公司指引無關。