黛安
黛安

KiKi麵推聖誕禮盒 試齊3款口味

發佈時間: 2017/11/20

KiKi麵推聖誕禮盒 試齊3款口味

有「舒淇麵」之稱嘅KiKi拌麵經常賣斷市,令黛安一直未有機會食。不過,最近收到風,今個月30號開始,會陸續推出3款全新聖誕禮盒裝,到時黛安一定大量入貨,順便送畀媽咪做聖誕禮物!

聽公關姐妹講,3款產品「老醋辣拌麵」、「小醋拌麵」和「川味牛肉湯麵」之前係香港首度獨家推出時,全城轟動搶到斷晒貨,所以決定喺聖誕節前夕再次推出,希望大家都買到咁話。今次仲有黑金特別版嘅「KiKi黑金特別版禮盒裝」,入面有3包手工日曬麵同3包特製牛肉湯包,會喺11月30號網店正式發售,賣$268。其他兩款包括「KiKi聖誕老人禮盒裝」同「KiKi聖誕馴鹿禮盒裝」,入面分別有熱賣嘅「蔥油拌麵」、「椒麻拌麵」以及「老醋辣拌麵」同「小醋拌麵」各5包,1盒10包都係賣$138咋,好抵!12月6號起開賣!

另外,姐妹話3款禮盒都會係12月13號至26號嘅銅鑼灣崇光超市「聖誕美食巡禮」公開發售。

撰文: 黛安 消息特靈八卦公關
欄名: 八卦名利場