祖兒自爆再發育

容祖兒、洪卓立（Ken）昨日到葵芳出席「星願聖誕」開幕禮，與觀眾玩遊戲及selfie。祖兒表示聖誕願望是環遊世界，並自爆身體近日再度發育，發覺長高了幾厘米。

祖兒稱日前接受身體檢查︰「發現自己高咗，原本168cm變咗171cm，希望身材更加Fit。（想上圍豐滿一點？）我無大家咁膚淺，淨係想條腰幼啲，臨近大時大節，我都推咗好多飯局，要強制自己食少啲。」她被指已有男友劉浩龍，故不用擔心身材走樣？祖兒強調要對自己有要求，笑言早前與舊同學聚會，見到大家的身形都很「幸福」，更令她不時提醒自己要努力keep fit。

祖兒表示想坐郵輪環遊世界，問她是否準備放長假結婚？她笑說︰「又講！唔好再提呢兩個字！（旅行兼度蜜月嘛？）你哋諗得好周到。」她更指弟弟帶女友去冰島，實在十分浪漫。

撰文︰Pauline

編輯︰陳禮恒

美術︰梁政敏