香港總商會 請你免費搭電車小輪

黛安閒時都會坐電車同天星小輪，吹下風欣賞沿途景色。今年適逢香港總商會創會156周年，決定係下星期三（29號）請全港市民免費搭電車同天星小輪！香港總商會已經第7年搞呢個活動，今年就請市民大家免費搭往來堅尼地城和筲箕灣嘅全綫電車，同埋兩條往來尖沙咀至中環和灣仔嘅渡輪航綫。

香港總商會總裁袁莎妮話，每年活動都吸引30萬人次參加，至今有超過百萬人次曾受惠，佢仲講笑提醒大家，嗰日記得要收起張八達通。

公關姐妹仲話，今年加碼同攜程合作，送出香港同澳門嘅酒店住宿同自助餐券，名額得8位咋！想要嘅話好簡單，只要like咗香港總商會facebook page，再留言tag你一位朋友仔，話畀佢知你最難忘嘅一次搭電車或者天星小輪嘅回憶，咁就得啦。活動截止日期係下星期三嘅晚上11點59分，得獎名單會喺遊戲完結後3星期內喺facebook page公布。