【聲明】港生活網站並無進行電話推廣活動

朱古力Vs咖啡 卡樂B期間限定新口味

發佈時間: 2017/11/21

上班族返工,都習慣有啲零食relax下,同自己打打氣。講到辦公室人氣零食之選,自然唔少得薯片啦!呢排卡樂B公關姐妹就送咗兩包「期間限定」嘅新口味薯片畀黛安試下,仲要係「朱古力味」同「咖啡味」!咁特別,黛安即刻開封嘗鮮,一打開包薯片就有好香濃嘅朱古力同咖啡香味湧出來,公關姐妹仲教黛安要「疊住食」,甜得來有咖啡嘅少少澀,似足飲Mocha咁,好似歎住咖啡兼食住薯片,加埋薯片原先少少鹹、多多脆嘅特性,層次即刻豐富!

想再好味啲,可以先將把薯片放入雪櫃冷藏,凍凍地仲香脆,好食到停唔到口!今次新口味薯片全部係香港工場生產,夠晒新鮮,今個月下旬就有得買,行超市、便利店時,記得留意下啦。

撰文: 黛安 消息特靈八卦公關
欄名: 八卦名利場