Jamie Oliver廚具用品期限店 全港首間 落戶將軍澳中心

英國型仔廚師Jamie Oliver喺香港開嘅餐廳，黛安都有去過朝聖，價錢貼地，而且非常好味。將軍澳中心今個聖誕就同Jamie Oliver合作，開設全港首間廚具用品期間限定店，各位鍾意煮嘢食嘅姐妹們唔好錯過啦！

期間限定店由今個星期日（26日）至明年1月1日駐場，會賣多款特色廚具同餐具，啱晒聖誕節用嚟招呼朋友。公關姐妹仲話，今個星期六、日會喺港鐵坑口站、寳林站、調景嶺站同將軍澳站出口免費派「Jamie Oliver喜瑪拉雅山岩鹽」，每日名額200個。開幕當日，即26號下午2點，仲會加碼大派300個「健康生活禮品包」，入面有1張$50超市現金券、Jamie Oliver健康調味料1樽同贈品。聽到都覺得吸引！