【聲明】港生活網站並無進行電話推廣活動

人造彩雲迎聖誕 浪漫飄飄賀佳節

發佈時間: 2017/11/23

聖誕佳節將至,又係時候plan下聖誕活動。黛安噚日返工嘅時候,見到高樓大廈中間飄出一朵朵勁得意嘅「聖誕樹雲」,當然即刻去尋「雲蹤」。原來係領展嘅姐妹特登運咗部「造雲機」,同大家預祝聖誕。

黛安見朵朵泡泡雲造型都唯肖唯妙,都幾好奇係點做到嘅,領展嘅姐妹介紹係將氦氣混合水後,再加埋特製發泡藥水「定型」,每朵可以維持20至30分鐘,仲可以自然分解對環境完全無害,夠晒環保貼心,黛安都要畀個讚。

公關姐妹仲話,造雲機係12月會進駐領展T Town同天瑞商場,無間斷送上聖誕雲畀大家許願;到時仲會免費派彩色「迷你雲」畀大家添。同埋T Town嚟緊星期六(25日)起逢周六、日同公眾假期,都會有攤位遊戲玩,贏咗會有台灣勁出名嘅「綿菓子」棉花糖食,等市民可以過甜絲絲聖誕。

撰文: 黛安 消息特靈八卦公關
欄名: 八卦名利場