宣萱 金鐘國 約埋做Gym

韓國人氣節目《Running Man》大隻成員金鐘國昨日襲港，跟宣萱齊齊出席活動。大會安排二人以「情侶檔」現身，金鐘國更暖男上身扶實宣萱，免女方踩到裙尾，令宣萱不禁大讚︰「佢OK！仲好有風度。」

宣萱昨日穿上低胸晚裝，相當高貴，她自言少睇韓劇，所以不太熟悉韓國明星，但喜歡金鐘國這類單眼皮Oppa。「我第一次接觸金鐘國，大家用英文交談，感覺好舒服。」金鐘國在台上表示喜愛健身，問他可會相約宣萱一起做Gym？他大方答應，更表示可以訓練宣萱健身；單身的他又說︰「我每次返屋企，媽咪都會催婚，好累。」

另外，提到宣萱日前相約吳美珩食飯，她笑言有代觀眾慫恿吳美珩復出︰「我話好多人關心佢，佢只回咗個笑面表情畀我，佢都無意復出，因為要親力親為湊小朋友。」

撰文︰李潔盈

編輯︰林梓添

美術︰顏玉玲