心穎撑馬明 跳舞夠娛樂性

黃心穎、黃心美和森美昨天到上水廣場出席聖誕布置揭幕禮，三人大唱悅耳歌曲，又和粉絲玩遊戲。心穎談到日前緋聞男友馬國明在台慶跳舞，大讚他的舞姿是其獨有的標記。

心穎BB談到緋聞男友馬國明在台慶的搞笑舞姿︰「我返到屋企先睇番，好好笑呀，尤其是Opening胡鴻鈞唱歌時，佢喺後面扮八爪魚跳舞，絕對可以娛樂大家，也算係佢嘅個人標誌，哈哈！（看到馬明與Bob咀嘴肉疼嗎？）唔會，幾好呀！可以開拓馬明嘅另一面。」身旁的森美即笑指驚馬明咀男人咀上癮。

之前他和心穎去日本拍攝《森美旅行團》，踢爆她買了很多戰利品，更忍不住「投訴」︰「佢仲叫我幫手拎hand carry，好似買咗一條男裝紅色底褲，唔知送畀邊個呢？」心穎即澄清本想買紅色底褲送給爸爸，並非馬明，最終因沒size而作罷。

而黃心美和森美經常拍檔做活動司儀，二人默契十足，建議森美下次拍《森美旅行團》可以考慮邀請黃心美，不過心美直言出鏡的底綫只限露膊，她覺得做主持應該正經一點。

森美恨攞最佳熒幕情侶

又，談到森美與陳豪在《誇世代》的hehe情大受歡迎，森美直言想角逐「最佳熒幕情侶獎」，更自爆與陳豪有大量床戲，但最終只是兄弟情。至於網上的「hehe婚照」則是助導拍攝，他和陳豪都很喜歡這輯相，更不捨得丟掉，「好彩我同陳豪都已婚兼有仔女，唔使傳緋聞，其實我哋喺電影《晚九朝五》時已相戀㗎啦！」

採訪︰Pauline

編輯：黃寶恩

美術：顏玉玲