屯門驚喜發現 正宗握壽司

雖然跟馬鞍山比，屯門尚未至於是「美食沙漠」，但要數特色小店，於市中心一帶又確實有限。但隨着「鮨千尋」的出現，愛和風美食的屯門友，又多一個好選擇喇！

這間位於屯門市廣場內的新開壽司店，裝修似中環區的高檔料理，不過看看餐牌，會發現價位同裝修格調不相稱，晚市人均$300，屬中檔次，對一向只有迴轉壽司食的屯門友來講，口味有得「升呢」。

10年經驗師傅主理

小店主打正宗握壽司，壽司師傅謝志豪出身自西村、壽司德及逸東酒店Yagura這幾間日本名店，有10多年壽司經驗，依照傳統日本壽司做法，按時令從日本引入不同的魚類與食材，好像近期鰹魚、鱈魚、剝皮魚、竹籤魚及白子等秋旬靚魚，壽司即叫即握，入口鬆化；米飯亦煙韌帶甜，水準跟冷冰硬實、只Sell大件的迴轉壽司差很遠。

這裏的餐牌十分豐富，除了壽司，又有即製刺身丼，新張期間午市首20客可以享$88優惠。另外，還有即製的天婦羅、串燒、爐端燒、一品料理及甜品等。記者推介大家要吃和牛，A5級的鹿兒島和牛，12片刺身才賣$278，比市價平，值得試。

鮨千寿

地址︰屯門屯順街1號屯門市廣場1期1樓1108-1111號舖

電話︰2328 9995

營業時間︰11:30am-11pm

平均消費︰午市$100、晚市$300

備註︰由即日至30/11午市12nn-3pm時段，首20客特選刺身飯享優惠價$88，先到先得，售完即止

編輯︰余運慶

美術︰梁政敏