【聲明】港生活網站並無進行電話推廣活動

寄信尋找聖誕老人 順豐速遞免費幫你

發佈時間: 2017/12/01

大家有幾耐無寄過聖誕卡畀親愛嘅人呢?黛安就準備去順豐寄聖誕卡畀芬蘭嘅聖誕老人,仲係免運費,名額就得5,000個,好期待聖誕老人回信啊!

順豐今年免費幫大家將聖誕咭或信件寄畀芬蘭、美國、英國嘅聖誕老人,只要去到7間指定順豐站或順豐服務中心,喺聖誕卡上寫上回郵地址同所投寄嘅國家,就可以等聖誕老人回信。如果買唔切聖誕卡都唔緊要,順豐會提供免費聖誕卡,只要寫好內容、回郵地址同投寄國家,一樣可以將聖誕願望話畀聖誕老人知。

聖誕卡會由順豐統一寄出,截止日期係12月5號。黛安相信聖誕老人一定會幫我達成願望嘅!

撰文: 黛安 消息特靈八卦公關
欄名: 八卦名利場