太古坊白色聖誕市集 青姐玩薑餅人足球機

上個周末黛安行程緊湊，一早就去咗太古地產喺太古坊糖廠街舉辦嘅白色聖誕市集，仲遇到好多姐妹朋友，非常充實！

太古嘅聖誕市集每年都吸引好多人嚟，今年都一樣，氣氛好熱鬧。黛安仲遇到《晴報》專欄作家胡孟青（青姐）一家人，佢話特登嚟參加薑餅人足球機比賽，32隊參賽者中佢哋排第5名，認真厲害！

太古地產嘅May就推介黛安去試下Mr & Mrs Fox嘅啤酒，黛安仲知道，所有餐飲嘅收入都會用作慈善用途！試完啤酒，就遇到太古集團公共事務董事唐偉邦（James）和太太，聽James講有啲商戶好有心，捐咗唔少禮物出嚟，由太古地產嘅同事嚟做義工幫手義賣，傳媒關係經理余似心（Maria）都一齊扭氣球。黛安當日見到市集周邊嘅聖誕裝飾都做得好別緻，但擔心一過聖誕就要送去堆填區，Ｍay就話已經同NGO合作，完咗會捐畀佢哋做聖誕裝飾，大部分都會重用，黛安都要讚佢哋夠環保，仲好有心！