【聲明】港生活網站並無進行電話推廣活動

德福名師建築展 親子發揮創意砌模型

發佈時間: 2017/12/07

小朋友嘅創意係無限嘅,黛安知道德福廣場今個聖誕就同世界知名高迪展覽博物館、巴特羅之家(Casa Batllo)同高迪研究院合作,打造咗亞洲第一個官方認可嘅多媒體「高迪築‧跡」作品展覽,仲會舉辦工作坊畀小朋友發揮無限想像!

鬼才建築大師安東尼‧高迪(Antoni Gaudí)嘅建築風格可謂歷久不衰,其中出自佢手筆嘅聖家堂、巴特羅之家仲被列入聯合國教科文組織(UNESCO)文物古迹。今次德福就請嚟香港註冊建築師兼We Can Build高級導師Leo Chu,喺12月17號嘅兩場「親子建築模型工作坊」,教授小朋友用竹籤、發泡膠粒同卡紙,製作迷你版聖家堂同巴特羅之家,之後再幫建築物填色。

黛安嘅姐妹都打算同小朋友一齊去,機會難逢,大家唔好錯過呀!

撰文: 黛安 消息特靈八卦公關
欄名: 八卦名利場