【聲明】港生活網站並無進行電話推廣活動

賽馬會撥款 惜食堂推動 外展送飯服務 社區送暖

發佈時間: 2017/12/08

平時超市賣剩嘅蔬菜,多數都會送去堆填區,但其實當中唔少食物仲可以安全食用!黛安知道,惜食堂喺2011年起,推行食物回收及援助計劃,回收可安全食用嘅剩食,再烹煮成熱飯餐同食物包,送畀社會上有需要人士,計劃仲獲得賽馬會撥款支持,如今踏入第二期啦,咁有意義的活動,黛安當然支持。

惜食堂噚日舉行計劃致謝禮,惜食堂主席梁錦松話,第二期計劃以「跨代惜食共融」為主題,增設外展送飯服務同體驗館,希望為更多有需要人士送上關懷,同埋教育下一代珍惜食物。佢仲同黛安分享,回收剩食固然重要,但佢更希望計劃可達到關懷社會呢一步,真係相當有心!

唔少家長都會用「粒粒皆辛苦」嚟提醒小朋友唔好食剩嘢,計劃亦將全新體驗館取名為「粒粒皆辛館」,教育學生惜食。項目經理Astor話,話希望呢個體驗會為學生帶嚟深刻感受。呢個計劃既環保又助人,難怪連勞福局局長羅致光都讚好!

撰文: 黛安 消息特靈八卦公關
欄名: 八卦名利場