黛安
黛安

復康會辦體驗比賽 籌款支援殘疾人士服務

發佈時間: 2017/12/11

復康會辦體驗比賽 籌款支援殘疾人士服務

現時香港雖然有唔少無障礙設施,但黛安最近同香港復康會執行委員會主席陳麗雲教授同佢一班同事傾開,先知社區入面有些設施的設計原來並不friendly,例如有為殘疾人士專用廁所,竟要登上長長樓梯先用得,等於無用。復康會下月將舉行「無障行者2018」,以比賽形式畀公眾模擬睇唔到及行動不便等情況下,體驗殘疾人士外出時遇到的困難和挑戰,並籌款支援復康服務。

「無障行者2018」將於下月14日(星期日)於中環遮打道行人專用區舉行,上午嘅活動為隊際比賽,今次比賽有8個區域共80個check point,包括中環同尖沙咀等。參加者以5人為一隊,佢哋獲派指定區域後,每名隊員都要接受一項身體限制,例如戴上模擬患上青光眼嘅眼罩等,需合作於2.5小時內完成任務,以取最高分者為勝出。

至於下午就有畀公眾參與嘅「無障行者體驗館」,以及特設嘅親子導賞「小小無障行者訓練班」,家長可帶子女一齊學習同經歷,從小培育公民意識,學會關心別人。名額共300個,預約登記結果將於12月14日於復康會網頁內公布。

黛安喺復康會社工介紹下,試戴過模擬青光眼罩同感受中風人士手腳活動不便嘅關節固定器,體會到殘疾人士面對住嘅生活,需要更多支援,復康會呢個活動真係好有意思!大家快啲去復康會網址www.rehabsociety.org.hk/zh-hant/barrierbusters了解詳情同報名啦!

撰文: 黛安 消息特靈八卦公關
欄名: 八卦名利場