鄭志剛獲頒法國藝術與文學軍官勳章

公關姐妹噚日話畀黛安知，新世界發展執行副主席鄭志剛（Adrian）剛獲法國政府頒發法國藝術與文學軍官勳章，以表揚佢對中法文化交流同中國當代藝術所作出嘅貢獻，Adrian仲係60年來第一位最年輕嘅授勳者，真係可喜可賀呀！

現年僅38歲嘅Adrian，上星期六就喺法國駐港領事官邸授勳，佢話好多謝法國政府頒呢個勳章畀佢，特別感謝家人、好友同工作團隊一直同佢喺文化路上共同進退。

黛安睇番，藝人梁朝偉同導演杜琪峯都曾經獲頒授此勳章，Adrian作為新世界嘅第三代接班人，其實有好深厚藝術底子，佢係喺哈佛大學讀東亞研究，畢業後又去咗京都留學1年，讀日本藝術和文化，2009年仲打造咗全球首個購物藝術館K11，2014年又獲得薩凡納藝術與設計學院嘅人文學科頒發榮譽博士學位，可謂致力鑽研藝術文化，獲授勳係實至名歸！