【聲明】港生活網站並無進行電話推廣活動

鬼兔賽跑

發佈時間: 2017/12/12

古有龜兔賽跑,今之官場跑出的卻是一鬼。

說的是大嘥鬼,萬萬設想不到,此鬼一出連帶星星局長都人氣急升,單鬼保至尊,唔到你唔服。

坦白說,曾幾何時,間會以貌取人的姚鈴,對這位其貌不揚、訥於言辭的局長,並不特別欣賞。做官都要有官樣吧,唔打得都要talk得,唔talk得都要睇得吖。

但當眼闊肚窄、和局長本人有七分似的大嘥鬼一出,居然扭轉乾坤,從此環保變得好貼地,局長變得好親民。

有幾貼地?有日星星局長在網誌貼了張70年代喇叭褲look玉照宣傳「郊野不留痕」,鬼鬼立即互動,開post為「黃生貴姓呀?」,最搞笑是衝着黃生那頭秀髮而來的「#回到濃密時」。網民笑翻之餘,也不免大讚局長玩得。

另一佳作是狂抽Chef Le Mon(如果咁都唔明,我就無計了)水之作,那隻post和hashtag本來已玩得夠絕,但真正精采是鬼鬼和網民在留言的即時互動。網民話做小編嘥咗佢,佢答:「大家可以叫我大編」、「親,你哋支持就好鳥」。有人發現他戴藍色手套,他唱歌:「無法可啱色的一對手………」

笑了一晚。結論是人人開fan page,有幾多人識做fan page?

(本欄逢周二、四刊登)

撰文: 姚鈴 心繫時事,愛恨分明的企業女高層
欄名: 不吐不快