除夕慈善籌款 同精英運動員接力跑

就嚟到聖誕佳節，之後仲有除夕倒數，各位朋友諗到有咩節目未呢？黛安一向好留意慈善活動，最近就發現原來除夕當日都有慈善跑步比賽，仲有機會同唔少本地體壇嘅精英運動員一齊比拼！

黛安知道，香港精英運動員協會喺31號當日，喺香港體育學院舉行「毅力十二愛心跑」，希望透過4小時接力跑嘅形式，推廣體育運動嘅好處，同時籌集善款畀精英運動員慈善基金，為個人同慈善團體提供教育、進修、醫療同其他緊急援助等等嘅資助。

一眾精英運動員包括女飛魚江忞懿、施幸余、劍擊嘅江旻憓、張小倫、羽毛球嘅伍家朗、葉姵延、划艇嘅李嘉文等，會同大家一齊接力跑，務求喺4小時內跑出最遠距離。當日仲會有好多其他活動，例如點唱站、啦啦隊比賽等，比賽今日就截止報名喇，黛安到時都會去支持，各位朋友都快啲組隊參加啦！