樹仁大學頒授榮譽博士 劉華期待囡囡穿博士袍

劉德華昨日獲樹仁大學頒授榮譽文學博士學位，表揚他在演藝事業中對香港的貢獻。榮升「劉博士」的華仔揚言責任重大，日後會繼續發揚本港的獨有文化。

華仔昨日穿上博士袍現身時，全場立即報以歡呼聲。華仔領獎後走到台邊笑笑口說︰「放心啦，我係唔會講嘢！」之後走回主禮嘉賓席就坐。

事後華仔表示不會因獲得「劉博士」名銜而感到飄飄然，稱無論在甚麼環境或教育下，做到自己喜歡的事已經很開心，未來希望將廣東歌、港產電影及傳統粵劇等香港應有的文化傳承下去。

華仔怕女兒搞亂檔

問他可有幻想女兒劉向蕙將來都成為博士？華仔稱︰「太早喇，將來先諗。（期待阿女着博士袍？）到時請你哋嚟！（做博士責任重大咗？）係，因為以前做過嘅事先得到呢個獎，我會繼續做，啱啱台上有好多新一代，希望可以繼續發展落去。」

問華仔為何不帶太太朱麗倩和女兒到現場分享榮譽？他笑言︰「驚搞亂檔嘛，阿女要返學。（點同佢哋慶祝？）無喎，無乜特別，或者傳張博士相畀阿女睇下，同埋帶件博士袍返去同佢影相。」至於明年工作安排，華仔表示農曆年後才接電影，年初拍廣告墮馬受傷的華仔，自言看回自己以前拍騎馬的電影都有少少害怕，他說︰「暫時陰影未過，就算拍都會搵替身。」

撰文︰倪小珊

攝影︰林良明

編輯︰林梓添

美術︰顏玉玲