陳美齡恨飲新抱茶

陳美齡三個兒子均學業及事業有成，31歲的大仔和平已有未婚妻，美齡對未來新抱更讚不絕口，十分期待飲這杯新抱茶。

陳美齡（Agnes）昨天到灣仔一間小學出席《閱讀•悅讀分享會》活動，與一班學生玩遊戲又派禮物，Agnes更扮成聖誕媽媽現身。她表示今次主要是分享及交流，問她可曾扮過聖誕媽媽派禮物給三個仔？她說今次是首度如此打扮，而三個仔在美國讀書時，她只準備聖誕禮物給他們。

大仔廚藝了得

回想起過去與兒子過聖誕的趣事，Agnes笑言有一年一家人到外地度假，三個仔擔心住酒店會收不到聖誕老人的禮物，於是她預先把禮物交給酒店職員收起，待兒子睡覺時才偷偷放在床邊。

Agnes又大讚大仔廚藝了得，難得是他的未婚妻也喜歡下廚，兩口子閒時會一齊玩煮飯仔。她說︰「大仔喺美國讀書識未婚妻，個女仔係ABC，但係識講國語，又好溫柔，我畀未來新抱好高分！（等飲新抱茶？）唔知佢哋個習俗有無斟茶，最緊要佢愛我個仔。」

採訪、編輯︰黃卉彤

美術︰李明

攝影︰Pauline