【聲明】港生活網站並無進行電話推廣活動

迪士尼幻想工程挑戰賽 2中大建築女碩士獲獎

發佈時間: 2017/12/19

迪士尼樂園係個充滿想像嘅地方,佢哋都好着重創意同想像力,所以特登舉辦咗「迪士尼幻想工程香港挑戰賽」,畀逾300個本港同內地嘅大專院校學生發揮創意同設計潛能。今年由2位中大建築系女碩士生勝出,足證港青創意無限!

公關姊妹話,比賽中,參賽者要挑選世界上嘅一個城市,為當地市民同遊客設計具迪士尼色彩嘅娛樂或者休閒體驗,將佢哋想象中嘅迪士尼計劃,帶去世界唔同角落。黛安都有睇過冠軍得獎者夏翠瑩同倫嘉熙嘅作品,佢哋用咗比起米奇更早出世嘅經典迪士尼卡通人物Oswald(幸運兔奧斯華)嘅造型,創作出一隻識行識走嘅機械人,載住訪客遊歷世界。聽評判們講,佢哋用意想不到嘅方法回應題目要求,將奧斯華嘅故事,巧妙咁融入設計之中,又善用出色嘅演說技巧、自製模型道具,配合主題去講解,真係實至名歸!

撰文: 黛安 消息特靈八卦公關
欄名: 八卦名利場