【聲明】港生活網站並無進行電話推廣活動

挺5個月肚着高踭鞋 熊黛林步步驚心

發佈時間: 2017/12/20

熊黛林(Lynn)宣布懷孕後前晚首次公開現身,出席電影《柏靈頓2》首映禮,雖然天氣寒冷,Lynn仍穿上鮮紅色背心連身裙及四吋高踭鞋,旁人都替她抹一額汗。

已經肚凸凸的Lynn自爆早前孕吐得非常厲害︰「自己身體差,反應大,成個月同老公無乜講嘢,真係唔好意思,對佢冷淡咗。我咁辛苦佢都心痛,又幫唔到手,都嘔咗三個月。」

不過Lynn很感激姑奶郭可盈及家人的細心照顧,奶奶更每日煲湯給她補身,老公郭可頌更是緊張到不准她外出。問到這晚着四吋高踭鞋,不怕老公鬧?Lynn表示︰「唔會,平時我好乖,做嘢要靚嘛,佢平時都叫我唔好出街。不過今日無畀佢睇,唔會有事嘅,我着慣高踭鞋。」

目標兩個夠晒數

問Lynn可有戒口?她表示目前食得比較清淡,只是偶然想食麻辣火鍋,但突然又會想食甜。問到陀B咁辛苦,想老公有甚麼獎勵?Lynn甜絲絲說︰「生完先啦,最想BB健康,我都希望生多幾個,暫時兩個先。」對於舊愛郭富城為她送祝福,Lynn就以「多謝」作回應。

同場還有朱薰和老公帶着五歲囝囝及一歲多的囡囡去睇戲,朱薰表示囝囝兩歲起已經開始入戲院睇戲,如果戲中有粗言穢語,她會即時作出適當教導。問到會否考慮生第三個?朱薰笑謂︰「夠數嘞,收爐!依家都幾乎唔夠時間陪佢哋。」

撰文︰Pauline

攝影︰林良明

編輯:林梓添

美術:梁政敏