7-Eleven換花形托盤 LINE FRIENDS × LE CREUSET浪接浪

7-Eleven之前破天荒同LINE FRIENDS及LE CREUSET合作，推出8款好friend碰碰杯連蓋，大受歡迎！

黛安好多姐妹都密密儲印花換齊成套。黛安又收到風，知道呢個系列仲有產品即將加推，LC迷要留意啦，就係花形托盤，黛安見到都心心眼！

上次嘅玻璃杯，真係做得好精緻，加埋有爆可愛嘅LINE FRIENDS圖案，黛安都愛不釋手，已換咗幾款返屋企啦！公關姐妹預告，明年1月中會再有第二浪換購活動，今次係LINE FRIENDS x LE CREUSET嘅花形托盤，呢個托盤係用竹製，聽講係LE CREUSET首次推出呢款產品，仲特別揀咗LC迷最鍾意嘅花形設計、粉紅同粉紫色，托盤上印有LE CREUSET同LINE FRIENDS圖案，兩大品牌首次聯乘，極具收藏價值啊。

黛安見到都想擁有，即刻問點樣換購，姐妹話只要係7-Eleven購買任何產品，就可以加錢換購，換購價仲100蚊都唔使！今次班姐妹唔使儲印花啦！