劉博士四方帽「加持」 君如感激華仔救命Call

初次執導電影《妖鈴鈴》的吳君如，前晚率領戲中兩大男主角方中信和吳鎮宇出席電影首映，好友劉德華、鄭秀文現身支持，華仔更自備畢業袍與證書，為君如戴四方帽，寓意她在導演路上畢業，令君如感動得眼濕濕。

君如前晚舉行的首映禮獲得大批圈中好友撑場，包括鄭秀文、王菀之、爸爸夏春秋及弟弟吳君祥與女友江美儀等，君如自言為電影碌盡「情人咭卡」︰「嚟得撑我嘅都係情人。」

期間，華仔突然現身並直呼君如導演，君如感動表示︰「前幾日劉德華12點40分whatsapp我，話嚟睇首映同『我撑你』！我即刻滴咗兩滴眼淚。我跑咗十幾個城市都唔知自己喺邊，佢呢個電話係救命call。佢今時今日係一個博士，仲嚟support我呢個小學雞導演，我好需要人話畀我知我ok。」

關心華仔掂唔掂

兩人感性完一輪後，君如問候華仔的腰傷，華仔說︰「好番哂。」君如即一臉鬼馬問華仔︰「係咪晚晚都好掂？」華仔笑住話︰「未試喎，試過話你知。」之後華仔為君如戴上四方帽及頒贈證書，寓意她成功當上導演，華仔話︰「你記得除咗有老公陳可辛，仲有我呢個表哥一直支持你。」

撰文︰倪小珊

編輯︰黃卉彤

美術︰梁政敏