基仔爆周慧敏 個唱戰衣性感到噴血

古巨基擔任周慧敏（Vivian）明年一月舉行的入行30周年演唱會總監，身為Vivian好友的基仔更身兼服裝指導陪女神去試個唱戰衣，他大爆Vivian的服裝性感到噴血，相信令不少男歌迷十分期待。

基仔昨日到電台宣傳新歌《初心》，並透露自編自導自演新歌的微電影，內容是講述堅持夢想，跟他的人生觀有點相似。除了忙於歌曲宣傳外，基仔近日亦馬不停蹄籌備周慧敏明年初的演唱會，而日前更親自陪對方試舞台服裝，他笑言︰「佢啲歌，舞台同衫我都有幫佢諗，有啲衫都幾犀利，好性感。佢仲話估唔到我會設計啲咁性感嘅衫畀佢，因為佢覺得同我似家人，應該會畀『溫暖』佢，仲問我會唔會凍親。」

明年再拍內地劇

基仔又指Vivian最近積極為演唱會排舞，而且有穿過戰衣練舞，他形容︰「都幾噴血。（要拎定紙巾？）流鼻血都拎到，噴血就真係拎唔切。佢跳完都講咗句『吓？原來係咁㗎？』」基仔透露明年將會再拍內地劇，他表示︰「個劇本係為我度身訂造，故事好似《上海灘》年代。」

撰文︰倪小珊

編輯︰林梓添

美術︰招潤洪