玩具反斗城Toy Fair 任玩場內遊戲

黛安一向鍾意Ｗork hard, play hard！新一年剛開始，黛安就聽公關姐妹講，位於尖沙咀海運大廈嘅玩具反斗城，將會喺今個星期四（4號）到14號，同18個著名玩具品牌合作舉辦「Toy Fair 2018」，場內有多個得意大型卡通裝置，大小朋友都可免費入場，任玩場內所有遊戲，仲有真人表演；今個星期日（7號）更有小模特兒聯同玩具人偶一齊做花生騷，活動期間（5號、8-12號）仲有面部彩繪，逢周末亦會有卡通人物大巡遊。

公關好友講，入場人士只要集齊當中8個玩具品牌蓋印，就可以免費換領故事書一本，場內亦有不同嘅購物優惠，同埋大量精美禮品派發。咁多精采活動，真係要一家大細一齊出發去玩餐飽至得，仲可以滿載而歸𠻹。