許廷鏗唔心急開紅館騷

許廷鏗（Alfred）去年由星夢娛樂轉投華納後，成績不俗，不單獲邀出席多個商演活動，也推出了不少好歌。他承認去年算是豐收一年，但就不心急在紅館開騷。

許廷鏗與谷微昨日出席商場元旦活動，之前一晚出席完倒數活動的Alfred，笑言都是搵真銀的工作。問到2017年是否賺了不少？他帶笑承認︰「ok啦！都豐收嘅！最重要係做到自己一直想做嘅概念碟，出咗兩個月銷量唔錯，市面嘅碟都賣得好好，所以2017年算係超額完成喇。」

談到以往在頒獎禮灑下男兒淚的他，被問到昨晚出席「叱咤頒獎禮」會否繼續喊？他笑言︰「要忍住，去年喊係因為見到拎獎嘅歌手好犀利，我哋九年前《超級巨聲》開始，由參賽者變成歌手，過程真係唔簡單，希望2018年會有更好事發生。」至於有指他今年計劃在紅館開騷，Alfred表示希望儲多一點不同類型的歌才實行，尤其在本身並非強項的跳舞方面，一定會再下苦功。

谷微自嘲無桃花

另外，提到同公司的林師傑定於年底迎娶女友歐陽巧瑩，谷微自爆對方求婚當晚也在場。「佢（林師傑）叫我哋到時全部人都要到，仲話決定求婚係老闆畀咗好大勇氣佢，叫佢以愛行先。」突然求婚，是否歐陽巧瑩有喜？谷微即笑言︰「No！No！No！」至於何時輪到她結婚？谷微坦言從內地來香港發展兩年，一直無桃花，感情始終要講緣份。此外，提到前晚於吐露港駕車時，被尾隨的士撞到車尾，谷微表示因已報警，不便多談，不過慶幸自己無受傷。

採訪︰Pauline

攝影︰林良明

編輯︰林梓添

美術︰梁政敏