香香同老公隔空倒數

岑麗香和泰臣（翟凱泰）昨日出席沙田馬場活動。剛從加拿大返港的香香，大讚老公強強有創意，讓二人可以隔空倒數。「上年我哋一齊喺澳門過新年，今年我要出席活動，所以放佢去同朋友玩。不過到香港時間夜晚九點，一齊上網睇悉尼嘅倒數騷，其他Couple都可以考慮下。（會否覺得唔夠浪漫？）佢諗到出嚟已好浪漫，加分喇！」

問到新年目標是否努力造人？香香笑言生B順其自然，反而會督促自己每日寫下一個感恩的事，創造更多正能量。