AIA嘉年華 學生免費入場

每年冬天嘅好去處當然唔少得中環海濱嘅友邦（AIA）歐陸嘉年華啦，嘉年華有咩玩相信大家都耳熟能詳啦，不過黛安噚日就收到個最新消息，嘉年華推出學生免費入場優惠！由今日起去到1月31號，學生們可以喺星期一至四下午4點至10點半，憑住學生證免費入場！

唔單止咁，睇雜技表演都有着數。喺一月份逢星期二至四，喺嘉年華內購買The Great Circus of Europe雜技表演門票嘅學生，可獲得免費升級優惠，每場限100位！雖然唔包括代幣，但可以免費入場，仲可以優惠價買到飛睇60分鐘嘅高難度絕技表演，黛安真係好羨慕各位學生哥呀。