黛安
黛安

模仿王家衛電影女角 水原希子拍特輯Sell香港

發佈時間: 2018/01/05

模仿王家衛電影女角 水原希子拍特輯Sell香港

對各位緊貼日本時尚潮流嘅姊妹嚟講,相信對水原希子呢位名模兼演員一定唔陌生,因佢成日做日本雜誌封面女郎,但打扮成王家衛電影女主角嘅水原,大家又見過未?黛安最近見到日本雜誌《Figaro》嘅封面,用上水原喺香港拍攝嘅相做封面特輯,原來今次係旅發局邀請水原嚟香港拍攝㗎!

封面特輯以「愛上香港24小時」為題,靈感取自深受日本人歡迎嘅王家衛電影,水原打扮成《重慶森林》、《花樣年華》等經典電影女主角,喺深水埗文藝創作人集中地Wontonmeen、旺角茶餐廳「中國冰室」、中環「陸羽茶室」等有香港特色嘅地方影相,佢同時拍咗條短片,都好有王家衛風格(詳見:https://goo.gl/dMvb6C),似向佢致敬一樣!

年輕日女愛訪港

旅發局公關姊妹同黛安講,日本人好鍾意嚟香港玩,日本亦係香港第三大國際客源市場,據日本總務省統計局數字,最鍾意外遊嘅女性就係20幾歲少女,所以今次邀請水原來港拍攝,之前亦曾經邀請索模佐佐木希宣傳。

撰文: 黛安 消息特靈八卦公關
欄名: 八卦名利場