新西蘭拍真人騷 超蓮入境被扣5條蕉

何超蓮的大舅母上月底離世，孝順的她上載多張相片並撰文悼念。昨天超蓮到旺角出席護膚品牌活動有講有笑，看來心情已平復。

何超蓮、丁子高及艾粒早前到新西蘭為護膚品牌拍真人騷，昨天在首播會上，幾位嘉賓分享拍攝趣事之餘，並宣布今次拍攝已為「Smile with us HK」籌得45萬港元，幫助基層家庭小朋友。

超蓮透露在新西蘭入境時被搜出行李內有五條香蕉，最終被扣起及罰款。她笑言︰「原來工人姐姐驚我肚餓，所以靜靜放咗五條香蕉畀我，我無鬧佢，其實佢都係好心。」談到大舅母的離世，超蓮表示大舅母雖然患有肺癌，但都覺得很突然。「或者我未經歷過太多（生離死別），所以比較難過。」另外，談到胞弟猷啟與內地女友拍拖，超蓮說看過對方的相片，更笑言細佬很靚仔，有個靚女朋友好合理。問到細佬可有帶女友見家長？超蓮說細佬拍拖很低調，甚少在人前曬恩愛。

丁生陪千嬅放假

剛完成11場個唱的楊千嬅揚言休息到農曆新年，丁子高表示會陪太太去日本享受假期，農曆新年再一家三口出外度假。年前丁生曾與千嬅參加內地真人騷，問到會否再做一次？他說暫時不會，加上囝囝Torres還小，不想他經常出鏡。

採訪︰Pauline

攝影︰林良明

編輯：林梓添

美術：招潤洪