黛安
黛安

利市封大曬冷 MOKO紙膠帶添創意 奧海城玩懷舊 領展貴氣燙金

發佈時間: 2018/01/09

利市封大曬冷 MOKO紙膠帶添創意 奧海城玩懷舊 領展貴氣燙金

下個月中就係農曆新年,黛安同屋企人都開始準備過年物品嘞,當然唔少得利市封啦。黛安特登四出搜羅新款利市封,發現今年唔同商場推出嘅利市封各有特色,有文青、有懷舊、有高貴,黛安都唔知點揀好!

首創3D立體造型

MOKO新世紀廣場嘅利市封就啱晒鍾意手作或者文青系朋友,佢吔嘅利市封上面有個鏤空燙金嘅福字,大家可以用附送嘅Masking Tape(紙膠帶)裝飾封面,發揮創意,設計出獨一無二嘅利市封。紙膠帶都有4款,包括招財貓、紅達摩等等,全部都好得意!

港式懷舊係黛安最鍾意嘅風格之一,奧海城出嘅懷舊豬仔錢罌同傳統瑞獅獅頭款利市封,就啱晒黛安心水。一套8個嘅利市封入面,仲有兩個係全港首創3D立體利市封,可將身體拉長,就好似真正嘅豬仔錢罌同獅身咁,拆完利市用嚟做擺設一流!

領展商場嘅利市封就以高貴為主調,利市封用上燙金同3D浮雕印刷技術,有層次感得嚟又顯貴氣;仲同時推出新春收納袋,可以裝到過百封利市,無論派利市定收利市都一樣啱用!

撰文: 黛安 消息特靈八卦公關
欄名: 八卦名利場