黛安
黛安

高永文化「暖男」 籲注意天氣防流感

發佈時間: 2018/01/09

高永文化「暖男」 籲注意天氣防流感

高永文醫生自從卸任食物及衞生局局長後,好少再公開同傳媒見面,但上星期日黛安就見到佢喎,原來佢去咗「扶輪第四地域慈善行」做主禮嘉賓,出席慈善活動之餘,佢仲笑自己有職業病,雖然無做官,但都要提醒大家注意流感高峰和天氣變化,按需要添衣,「暖男」感覺極重!

扶輪社舉辦嘅慈善行上周日(7號)喺烏溪沙青年新村舉行,超過200人一齊慈善步行籌款,其中50位仲係基層受助家庭兒童同家長。所有善款會用作長者、青少年同醫療等社會服務,連高醫生都大讚扶輪社人情味濃,經常愛心送暖,除咗大力支持器官捐贈,仲為有需要人士提供不同服務。黛安就覺得,高醫生同扶輪社一樣都咁溫暖呀!

撰文: 黛安 消息特靈八卦公關
欄名: 八卦名利場