王浩信要妻女幫手拉票

王浩信昨日與江嘉敏（Kaman）及楊明等人到旺角為新劇《兄弟》拍外景，身為視帝大熱的王浩信，直言近日努力四出拉票，他說︰「會叫埋老婆（陳自瑤）同阿女同學幫手。」

多年來將視帝視為夢想的王浩信，坦言台慶頒獎禮愈近，心情愈是複雜︰「今年算係我人生最接近呢個夢想嘅時候，而且過去一年都辛苦，所以忍唔住再同大家爭取一下，喺最後呢兩個星期盡力拉下票，希望大家記得番（《踩過界》）我個角色。」

楊明戒糖Keep Fit

在新劇騷肌的楊明，直言近日開始地獄式減肥。「我連食粒糖都要食無糖成分，每日都食好少嘢。」

對於已第五年獲提名「飛躍男演員」，楊明自嘲是「老餅」。「我係咁多位候選人中年紀最大，希望今次唔好頒畀我，留番下年先畀我提名，咁我就可以連續提名六次。」

撰文︰倪小珊

編輯︰林梓添

美術︰梁政敏