「福祿壽」銷情理想 祖藍撲飛還債

王祖藍、阮兆祥及李思捷組成的「福祿壽」將於3月8日及9日在紅館舉行《福祿壽十周年演唱會》，前晚三人到旺角街頭快閃式宣傳，吸引大批市民圍觀。

王祖藍表示門票開售兩星期，銷情非常理想，他笑指目前欠下一身「飛債」，他說︰「依家賣咗五成以上，去到演出嗰陣應該全場爆滿！」他坦言手頭上的門票已經所餘無幾，自己都要去售票窗口排隊買飛。阮兆祥則笑謂希望能加開日場，事關夜場應該有難度。「我哋前面係Shine，後面係周杰倫，用Shine嗰個台底，如果開夜晚場就要問周杰倫可唔可以讓位，不過都係加日場啦，因為『夜場會夢多』嘛！」

唔怕內地拍攝受掣肘

談到大陸廣管局推出最新指引，指若翻拍外國節目要預早兩個月提案，祖藍表示要了解一下。曾經拍攝多輯《奔跑吧兄弟》的他可擔心受影響？他說︰「一向都無咩大問題。之前拍嘅一早播完。（怕唔怕以後多掣肘？）我係TVB訓練出嚟，有乜掣肘得過TVB？」他又透露正斟洽一個大陸真人騷演出，但相信問題不大。

撰文︰Pauline

編輯：林梓添

美術：招潤洪