汕大生划艇橫渡大西洋 誠哥拍片打氣

長和系主席李嘉誠一向都做好多善事，甚至形容李嘉誠基金會係佢「第三個兒子」。喺基金會支持下，汕頭大學嘅4名女生孟亞潔、陳鈺麗、黎曉冰、梁敏甜組隊出征，成為中國甚至亞洲首支橫渡大西洋嘅划艇隊，預計下星期抵達終點安地卡及巴布達，有望成為首名衝綫嘅女子隊。近日誠哥仲親自拍片為佢哋打氣，舉住啦啦隊紙牌話真心佩服佢哋，為佢哋自豪！

黛安噚日睇咗基金會發布嘅短片，其中一條片仲可以見到誠哥同「功夫茶茶」划艇隊衞星通話，同佢哋打氣，唔單止叫佢哋加油衝綫，仲提佢哋小心安全，十足十慈祥嘅爺爺，真係好窩心呀！