合作微電影 靚靚對小演員錫到燶

袁詠儀（靚靚）昨日出席保險公司微電影《愛在當下》首映，靚靚最難忘要鬧喊戲中女兒及其替身，令她們崩潰狂哭，靚靚自言一天內做錯了兩件事︰「不過，第二日阿女又無嘢，佢哋好善變。」

靚靚昨日與小演員Mia一同現身發布會，其「女兒」甫看見靚靚即大叫「媽媽」。微電影故事來自真人真事，講述丈夫及女兒突然患上重病，一家遭逢巨變，媽媽要堅強地度過難關，故事感人。

唔怕「魔童」呷醋

靚靚雖然在戲中要痛罵女兒，但鏡頭後卻跟小演員感情要好，更自爆確實很喜歡Mia，而且手機儲存了二人合照。那麼兒子「魔童」有否呷醋？靚靚說︰「無呀，如果放男仔合照就會，佢知道我鍾意小女孩！（追番個女？）你估我仲26歲咩？」

此外，提及近日發生女童遭虐待致死的事件，靚靚哽咽表示︰「好心痛，我一路睇一路喊，接受唔到，對動物都唔會咁做，何況係一個人仔？我好耐無試過要講粗口同打人，我有呢個怨恨係唔啱，要寬恕人同善良啲，但呢單新聞真係唔夠愛，唔明點解佢哋可以咁做。」

撰文︰倪小珊

編輯︰陳禮恒

美術︰梁政敏