薛家燕性感現身 阮兆祥爛Gag贈興

薛家燕的衣着偶然會為大家帶來驚喜，繼前年台慶一襲金黃色「戰衣」被指登基裝，前晚錄影《流行經典50年》又以性感衣着送上驚喜。

薛家燕、阮兆祥、王祖藍、羅敏莊（MiMi）和囡囡陳禛前晚為《流行經典50年》錄影，家燕姐穿上性感低胸黃色連身裙示人，祥仔和祖藍直言不敢正視。

祖藍妙唱《叉燒包》

祖藍更即場大唱《叉燒包》贈興，祥仔即抵死回應︰「點只叉燒包？直頭係大壽包啦！我實在精神一振，家燕姐唔係屬於無綫，佢係有（事業）綫㗎。如果佢係守門員絕對唔合格，因為佢中門大開。」逗得家燕姐笑到收唔到聲。

另外，羅敏莊女兒陳禛在電視節目上唱歌，她透露會跟媽媽同契爺祥仔一齊合唱《三人行》，MiMi問陳禛是否最喜歡睇契爺搞笑？陳禛跟媽咪「咬耳仔」後說︰「少少啦，其實我比較鍾意祖藍哥哥，佢扮女人好搞笑。」

撰文︰Pauline

編輯：林梓添

美術：梁政敏