忽然怨婦

港大校長馬斐森離任在即，接受媒體訪問，平日立場不算鮮明的他，忽然激進，爆料謂中聯辦對教育問題好有興趣，經常給他意見，又透露各所大學的領導層都與中聯辦有聯絡。

又謂在港大幾年，經歷過黑暗時刻，無悔支持陳文敏做副校，說自己只有一票，因此無法主導校委會的決定云云。

有人立即接波，指如中聯辦真曾提出「建議」的話，就可能屬於干預，有違反《基本法》之嫌，要求特首、教育局、中聯辦，甚至國家教育部公開回應以釋公眾疑慮。

哈，真係估佢唔到，以為貴為大學之首，就如任何企業的CEO，大概見盡複雜微妙的處境，慣於面對來自各方的壓力，這種事做過大機構的人誰沒見過，根本人人如此，要嗎當時就出招發難，轟轟烈烈，公然對抗，看鹿死誰手；要嗎接受現實，打下門牙和血吞，直至閉幕鞠躬離場，不帶走一片雲彩。

最陰陽怪氣就是這種，唔高興又唔出聲，又唔反抗，谷谷埋埋，臨走一刻才像個怨婦那樣，猛數前度不是，講自己家事不特止，還說香港家家戶戶都係咁慘㗎，八婆到呢。即使真的曾吃虧，既已泊到新碼頭，何不掛個含蓄微笑，瀟灑話別，信歷史自會論功過。

（本欄逢周二、四刊登）