「生煎包王子」Oscar牛一爆求婚成功 江若琳︰我喊到似失戀

剛踏入37歲的「生煎包王子」蕭潤邦（Oscar），昨午於社交網放閃，宣布去年尾於上海向30歲歌手女友江若琳（Elanne）求婚成功，不少網友及圈中好友齊聲恭喜。昨午Elanne回應本報時，直言未婚夫平時並不浪漫，當日製造驚喜求婚環節令她很感動！

歌手出身的Oscar在10年創立「正宗上海生煎皇」展開其飲食事業，在他苦心經營下，現時已擁有四間分店，日售逾5,000個生煎包，成功從舞台跳入廚房開展第二人生。去年四月，他與Elanne正式公開戀情，二人一直高調曬恩愛，12月更拍拖到荷蘭、英國外遊，女方更陪男友到曼徹斯特的曼聯主場睇波撑愛隊，令不少宅男粉絲葡萄。

昨日是Oscar的37歲生日，壽星仔在社交網分享女友為他送上的驚喜，其後更Po相宣布求婚成功兼發表愛的宣言︰「我會永遠用心地支持她，保護她，讓她不必再當女漢子，讓她當我好內子！」很多網友大讚這對金童玉女，直指是18年第一喜訊；有人亦恭喜生煎包王子抱得美人歸。

Elanne稱婚期未定

昨午，本報記者聯絡到Elanne，她指Oscar是去年尾在上海求婚，更特地安排在對雙方都好有意義的地方進行。她又形容整件事非常突然，料不到Oscar送上驚喜︰「佢平時個人唔係好浪漫，同埋估唔到佢自己一個人製造驚喜求婚環節，所以我都幾感動，佢叫晒我由細玩到大的所有好朋友嚟見證呢一刻。」

Elanne又指他們特意選擇（昨日）Oscar生日報喜。至於求婚鑽戒大概兩卡，但她表示大細不重要，最重要整個過程很感動。Elanne說︰「我喊到側邊啲人以為我失戀，哈哈！」Elanne強調婚期未定︰「我哋仲商量緊點搞，定咗日期再通知大家。」

撰文︰Steven、Pat

編輯︰黃寶恩

美術︰梁政敏