鄭秀文初演母親無難度

鄭秀文（Sammi）和梁詠琪（Gigi）繼20年前合作《百分百感覺》後，二人日前正式投入拍攝由關錦鵬執導的新片《八個女人一台戲》，Sammi更自爆今次新角色有個十幾歲兒子。

新片《八個女人一台戲》日前正式開鏡，昨日在中環大會堂舉行探班。在片中飾演話劇天后的Sammi表示，新片角色是有個十幾歲兒子的媽媽，雖然現實中未曾生育過，但她覺得好自然。「除非話個仔30幾歲就好怪，但十幾歲好合理，睇完劇本仲好鍾意。」

Sammi直言以前演戲要徹底挑戰難度，現階段會追求從容和自在，雖然從未演過母親，但經過多年成長令演戲信心更強烈。上次演關錦鵬的《長恨歌》，她情緒受影響致抑鬱，Sammi表示已提醒自己在拍攝現場不要玩，甚至不接觸手機，好讓自己能培養內心情緒。「如果畀我十年前處理呢個角色，可能會覺得驚驚地。其中一個關鍵係個人有好狀態，唔再好低落。」

張衛健豁達面對胞弟死亡

對於跟Gigi再合作，Sammi坦言對方已成為人母，大家可以互相睇到對方的分別。「Gigi依家有家庭同小孩，睇到佢成個人好活潑同開朗，係我20年前同佢合作無見過嘅一面。」談到張衛健（Dicky）的胞弟張衞彝日前過身，並於前晚舉行追思會，Sammi亦有份出席，她說︰「Dicky一家人都係天主教徒，我睇到佢哋嘅宗教信仰畀好多力量，佢嘅媽媽真係好堅強。正如Dicky所講有種豁達，佢細佬只係返咗天家，整過過程都好平靜，Dicky處理得好好。」

採訪︰Pauline

編輯：林梓添

美術：梁政敏