陳豪男女通殺 陳茵媺撑老公再封視帝

陳茵媺（Aimee）昨日現身旺角為眼鏡品牌任活動嘉賓，對於丈夫陳豪在本月21日爭視帝，Aimee強調會對他全力支持，戲言不用在兒子就讀的學校拉票，她說︰「佢一定得！」

身形Fit爆的Aimee昨日以紅色貼身裙亮相，大騷女人味。丈夫陳豪在本月中的台慶頒獎禮競逐視帝，問到Aimee可有在兒子的學校向其他家長拉票，她笑笑口說︰「唔使啦，佢一定得！」Aimee自爆現時出外有不少街坊也稱喜歡陳豪在《誇世代》的角色Mike，誇張到男女通殺。「佢大隻咗，多咗好多男fans，我都鍾意佢健康咗，連小朋友都話想和Daddy一齊操肌！」

兩公婆買自拍功具呃Like

另外，提到陳豪已開設個人IG帳號，Aimee指老公現時買入大量「架生」玩社交媒體。「除了有自拍工具仲有好多嘢，我都要佢教番我，不過都有提自己要保護眼睛。」此外，Aimee指現時科技先進，小朋友無法避免接觸電子產品，因此每次只會讓他們看10至20分鐘電視。「我熄機佢哋都無扭計，好乖，我會畀其他嘢佢哋玩，畫畫、手工藝嗰啲，或者出街睇下雀仔都可以。」

撰文：Steven

編輯：林梓添

美術：招潤洪