新劇「爺孫戀」勁多床戲 龔嘉欣讚劉江有心有力

蘇玉華、陳凱琳、龔嘉欣及劉江等昨日宣傳下周推出的新劇《平安谷之詭谷傳說》，劇中龔嘉欣飾演劉江的妾侍，二人年紀相差甚遠，竟然有不少床上戲，龔嘉欣更說︰「我最開心就係同劉老師演床戲！」

龔嘉欣表示自己的角色相當好生養，所以獲「老爺」劉江垂青︰「劉老師喺劇中會晚晚嚟搵我，但我會用方法令佢不舉！」她又大讚劉老師「有心有力」，相當有氣勢，「我啱啱入行嗰陣，喺另一個劇《蒲松齡》演劉老師個女，今次就演佢太太。」提到她拍新劇《包青天再起風雲》時意外傷腰，她說︰「那場戲係黃子恆掟我落地，我聽到『啪』一聲已知大件事，依家彎唔到身，但仲未有時間睇醫生。」

陳凱琳帶嘉穎重遊成長地

昨日活動上，蘇玉華帶領一眾女演員齊齊用茶壺「斟茶」給劉江及黃浩然，令二人由頭濕到落腳。飾演劉江「二太太」的蘇玉華坦言，會視新劇為代表作，雖然拍攝過程辛苦，但十分享受。至於陳凱琳早前與男友鄭嘉穎到加拿大過白色聖誕，她說︰「我哋留咗一星期，可能嗰度係我成長嘅地方，所以特別多回憶，不過對佢（鄭嘉穎）就無乜嘢。」

撰文︰李潔盈

編輯︰黃寶恩

美術︰招潤洪