分頭拍賀歲片 劉嘉玲唔介意與偉仔打對台

劉嘉玲、吳肇軒前晚出席新片《以青春的名義》首映禮，提到梁朝偉下月有賀歲片《捉妖記2》推出，屆時將撞正嘉玲的另一部新戲《我的情敵女婿》。嘉玲提議到時互相踩場，也可趁機支持彼此的電影。

劉嘉玲新片《以青春的名義》以師生戀為題材，對於影片今日開畫，她表示不緊張，反而演學生的男主角吳肇軒，心情就剛好相反，關心觀眾反應。首次兼任監製的嘉玲，直言工作已超額完成，接下來就看命運安排。問她對電影畀幾多分？她表示︰「算合格，見得人啦！（老公梁朝偉睇咗未？）未呀，佢自己會入戲院睇！」她笑言會入戲院看觀眾反應及入座率，因為觀眾反應才最真實。

嘉玲又透露偉仔目前身在日本度假，回港後就要宣傳賀歲片《捉妖記2》。由於嘉玲亦有《我的情敵女婿》同期賀歲，問她會否擔心與老公打對台？她笑說︰「幾好呀，可以打情罵俏！」會否與偉仔互相踩場？嘉玲續稱︰「我會睇佢嗰部呀，因為第一集都有睇，佢成日都話自己同自己打，咁我咪入場睇下囉！」

轉做經理人捧新人

此外，嘉玲有意再做監製，她透露想開拍愛情、警匪等題材的新片，但今年已接新戲及演出舞台劇，最快都要下半年才成事。至於可會找偉仔合作？她說︰「啱就會搵，軒仔（吳肇軒）都想搵，我想做佢經理人呀，一簽簽佢十年。其實想簽多啲新人。（接受自薦？）接受，不過我唔知有咩途徑可以搵到新人，中央戲劇學院、上海戲劇學院都有搵，有啲未畢業就已經畀人簽咗。」

採訪︰Pauline

編輯︰陳禮恒

美術︰梁政敏