祖藍瞓身打造《嘻哈粵戰團》

近日忙於宣傳《福祿壽十周年演唱會》的王祖藍，日前宣布與廣東電視台合作炮製粵語Rap節目《嘻哈粵戰團》，更邀得歐陽靖助陣擔任主評判，實行雙劍合璧宣揚廣東話！

祖藍前年升呢做老闆創立娛樂公司「手工藝創作」。日前他到廣州出席廣東電視台珠江頻道2018節目巡禮，宣布與珠江頻道達成合作協議，聯同馬來西亞ASTRO聯合製作粵語Rap節目《嘻哈粵戰團》。據知，祖藍除了重金禮聘曾是無綫同事的Hip Hot達人歐陽靖（MC Jin），在節目內化身地上最強「粵語嘻哈主評判」外，更打算碌盡人情卡廣邀其他星級嘉賓任評判。製作單位更將於廣東省、香港、澳門、馬來西亞等多個地區招募精英參賽。

預告搵自己友幫手

本報致電問祖藍，問到他今次投資幾多位數字，他強調一切仍在籌備階段。是否每逢有自家製作都必益自己人，他笑言︰「咁當然啦，唔益自己人益邊個？我哋唔會亂咁益，都要件事適合嗰個人先益，就算嗰個唔係自己人，只要適合件事嘅，我哋都唔介意千山萬水搵佢嚟合作。」

撰文︰Steven

編輯︰林梓添

美術︰顏玉玲