跟單車達人 踩住兩個轆遊台灣

好多香港人都對台灣情有獨鍾，不時飛過去旅行兼度假，身邊仲愈多愈多人踩單車遊寶島𠻹。若果你都有興趣踩單車遊台灣，黛安有個網站想介紹畀你。話說最近台灣觀光局同FOX體育台合作，推出咗一個台灣單車旅遊網站「兩輪遊台灣Taiwan on Two Wheels」（詳見：www.taiwanon2wheels.com/），入面唔單止有介紹台灣不同嘅單車路綫、租車資訊及裝備建議，仲首次結合數碼科技元素去展示呢啲資訊，click一click就可以睇到路綫及附近景點資料，易睇又實用。

唔單止咁，網站同時搵咗多位單車旅遊達人拍片，以休閒旅遊、大自然美景等主題，介紹唔同嘅單車熱點，帶大家踩住兩個轆去到九份老街、台南觀夕平台、陽明山及集集火車站等地點遊覽。黛安睇完之後，都好想學佢哋咁展開一場台灣單車之旅呢！