分手又復合？ 田蕊妮稱詩詠戀聞似劇情

下周日晚舉行《萬千星輝頒獎典禮2017》，各候選藝員紛紛落力拉票，曾奪視后的田蕊妮憑劇集《迷》再爭視后，她表示心情不太緊張，反而希望好姊妹唐詩詠奪獎。

田蕊妮昨日到紅磡出席商場迎新春活動，在台上聲綫嘹亮的她，卻透露原本計劃出新專輯，入到錄音室才發現聲音沙啞，醫生下令她一個月不能說話，要好好養聲，阿田笑謂不說話猶如被判酷刑。

阿田表示已揀好戰衣亮相台慶頒獎禮，不會刻意拉票。問她是否因為曾奪視后，故心理上沒壓力？她解釋︰「上次都無諗過攞獎，有獎當然開心，無獎也會繼續做。」她又指今年角逐視后對手好強，希望好姊妹唐詩詠能攞獎，她笑謂︰「佢都係時候攞獎啦，喺感情方面又缺失了一塊。」有傳詩詠與舊愛洪永城（Tony）低調復合，阿田表示無聽過，亦不清楚，還帶笑反問︰「點解好似電視劇劇情，來來去去都係同一個人？最緊要佢開心，我同佢去完不丹拍節目，佢會好幸福嘅。」

想參加健美小姐

阿田近期積極收身，在網上展示成果，她說有意參選健美小姐︰「我想試下着好少布嘅比堅尼，喺鏡頭前騷身材。（唔怕老公話一嚿嚿肌肉？）都娶咗我返屋企，無得番轉頭啦。」

採訪︰Pauline

攝影︰林良明

編輯：陳禮恒

美術：陳超雄