黃心穎直認馬明見過家長

黃心穎和馬國明一直未有公開確認情侶關係，早前卻有傳二人低調分手。心穎昨日到香港大球場出席百萬行活動，被同場的家姐黃心美踢爆，她們的父母見過馬明，而且對他的印象相當不錯。

黃心美同黃心穎兩姊妹昨日分別為ViuTV及無綫出席公益金百萬行，心美爆心穎有兩年叫極都不知醒，心穎笑言︰「所以我今年特登唔瞓，嚟到又好興奮，因為好似好多同事嚟晨運咁，好開心。」心穎表示新春期間只得三日在港，故不打算出外旅行，問她會否到男友馬明家拜年？她說可能會，在旁的心美即笑謂︰「叫馬明嚟我哋屋企拜年啦，我歡迎呀，帶多啲利市嚟派。」

早前有傳心美對馬明印象一般，問到是否已接受馬明？心穎插口從來不理會家姐，不過坦言馬明與父母之前一齊食飯，雙親對馬明印象不錯。問她是否支持馬明贏視帝？心穎表示：「佢好平常心，我都戥佢緊張，嗰晚都希望見證到佢攞獎一刻。」

祥仔減產保質素

另外，黎耀祥出席百萬行，令他回憶由中學開始已參與慈善步行，並坦言對這活動有感情。「平日跟其他同事少聚會，今日可趁機會見見一班藝員。」談到近年TVB不少小生花旦都減產，祥仔直認都是當中之一。「我唔似從前咁不斷向前衝，依家重質不重量，精益求精，更珍惜陪伴太太嘅時間。」

撰文︰Pauline

編輯：林梓添

美術：招潤洪