馬拉餐廳 招積龍躉菜

中環L Place馬來西亞餐廳「PappaRich」舊址，剛換上另一家馬拉餐廳「SEDAP」（店名解「好味」）。既有地道沙嗲串燒、叻沙，亦有一系列較矜貴的沙巴龍躉主菜。

新店主打的沙巴龍躉菜式，包括有清新風味如「椰子水煮龍躉球」及「鮮魚湯龍躉頭手工寬麵」，前者用上馬拉原個椰青水、椰子肉、酸柑水及檸檬葉煮成，清甜的椰青水滲酸柑的微酸，幾開胃；後者配手造的馬拉滑溜寬麵，以新鮮大眼雞及鰂魚熬至奶白的鮮甜魚湯底，更增強龍躉的魚鮮。

嗜濃味的可試試「咖喱龍躉球煲」，醬汁香惹，撈飯或Roti飛餅也很夾。印度飛餅由廚師在開放式廚房，即叫即人手飛製，保持酥化。龍躉菜式均設一份或半份，相當User friendly呢！大廚曾在馬來西亞當廚多年，所用的香料醬料全部從馬來西亞運來，喜歡馬拉菜的朋友又多一個好地方了。

SEDAP

地址︰中環皇后大道中139號The L Place UG層A舖

電話︰2114 1689

營業時間︰11:30am-10:30pm

平均消費︰$200

編輯︰余運慶

美術︰梁政敏