初三睇賀歲馬 贏$1800萬彩金

唔少朋友新年嘅時候都鍾意去馬場睇下賀歲馬，黛安知道，今年「農曆新年賽馬日」會喺大年初三（18/2）舉行，當日會有麥玲玲師傅同大家講解狗年運程，又有醒獅、行大運等節目，當日入場仲可以獲得「招財筆」同埋抽獎卡，有機會贏到「馬到功成」24K包金擺設，禮品數量有限，好珍貴㗎！嗰日嘅新春三T巨額彩金仲有成$1,800萬，黛安都想入場碰下運氣！

黛安聽馬會公關姊妹講，馬會喺新春期間會發放總共$8,000萬巨獎，年初三嗰日仲會動用三T儲備，估計$10一注獨中三T正獎嘅彩金可以高達$1,800萬！各位較鍾意買六合彩嘅朋友都要留意，因為新春金多寶攪珠會喺年初五（2月20日）舉行，頭獎基金估計高達$6,000萬㗎！